اراء الناس عن حريق مجلس الشوري المصري

البلد بتولع يا ريس وربنا يخليك لحد **************

اظاهر الملفات والقضايا اللي في المبني كانت بتهدد حد مهم فقال نحرق المبني.. واضح ان كبار البلد ابتدو يخبطو في بعض .. ربنا يستر

خلاص بقت القصة سقيمة
شفناها حقيقة وكمان ف السيما
هيطلعلك مسئول علية القيمة
وبجدية وكل عزيمة
يقولك قضاء ربنا وملناش حيله
وحده السبب ماس التوصيلة
ونرجع تانى.لا عبارة هتوصل مينا
ولا طيارة تحط سليمة
والقطارات نهايتها اليمة
وحرايقنا دي قصة قديمة
ولعادتها هترجع ريمة

مكانش الحريق ده يجي بدري شوية قبل الأجازة بتاعة البشوات والبهوات ؟؟
فيه حاجة زي دي في الدنيا ؟؟
شهر أجازة ؟؟
وحاجات الناس من يقضيها ؟؟
ولا هوا الشعب كلة بيصيف في مارينا في شهر أغسطس !!!!؟؟؟؟؟؟
أنا مصري وباحب مصر.. لكني لا أحب مجلس الشورى بالتحديد لأنه يذكرني بالتزوير والفساد.. أليس هو المجلس الذي تم تزوير انتخابات كل أعضائه الذين لصالح الحزب الوطني والمأجورين من أحزاب المعارضة الصورية.. وسعيد لأن هذا القصور في مكافحة الحريق أظهر فشل وتراخي الشرطة والجيش المصري في الدفاع عن الناس وحمايتهم.. فاهتامهم الأساسي منصب على حماية الرئيس وأسرته وتأمين مواكبه وزيارته الميدانية بعد تفريغ الشوارع من الناس وأهل البلد
رب ضرة نافعة.. وتكون هذه الحادثة عبرة لكل فاسد وظالم ومستبد

مع احترامي، وتعاطفي مع الشعب المصري المتعرض لظلم اقتصادي شديد، لكن لماذا نفرح بحريق مبني ذو قيمة تاريخية لمصر، المبني لا يمثل الحكومة، فهل نسعد بحريق القاهرة مثلا لأننا نكره الحكومة؟

من كثر الظلم والنفاق والوساخة , الناس كرهت بلدانها . الفقر في الوطن غربة .
ههههه
اعملوا استجواب فى المجلس بقى
قصدى ع المصطبى
لما تبقوا تلاقوا مكان تقعدوا تكدبوا فيه سوا مع بعض
اخوان فى الحزب

ايه ده هوه الحكومه راحت النار من دلوقتى!!!!
دا انا كنت بحسبهم هايروحوها فى الاخرة

تيجى تطلع ترخيص أى مبنى الدفاع المدنى يلففك السبع دوخات و يقولك اعملى مواسير حريق مستقلة بذاتها عن مواسير التغذية و طفايات حريق جافة و سلم هروب مستقل و من الأخر يبقى عايزك تغير التصميمات و الرسومات .. و أبسط قواعد الأمن و السلامة فى أى مبنى ادارى او حكمى هو وجود نظام حريق fire system وكملن انذار حريق fire alarm من الأخر اذا كان حد فى الحكومة دى عنده الشجاعة الكافية يبقى الحكومة لازم تستقيل بالكامل وهنقول ايه ... احنا لينا رب

9 ساعات بيطفوا فى حريقة
دا لو كانت فى الفلاحين كانوا الفلاحين طفوها
حتى الجيش والقوات الجوية معملوش حاجة
دا خيبة ما بعدها خيبة
انا كنت حاسس انهم موش عاوزين يطفوها
فى حاجة غريبة كانت بتحصل النهارده
فعلا
انما من اعمالكم سلط عليكم
حسبنا الله ونعم الوكيل
ضاع المجلس وضاعت معاه اسرار دولة تدعى
جمهورية مصر العربية

المجلس كده كده ضايع
و أسرار الدوله برضو كده كده ضايعه
و البلد أساساً ضايعه من زمان
كل المهم في الموضوع القيمه التاريخيه للمبني
و في ملاحظه من كمان قالتها , رغم عدم معرفتنا بقواعد إطفاء الحرائق
بس كان واضح من الأول إنهم بيرشوا الزرع مش بيطفوا حريقه
لإنهم بيطفوا من تحت , حاجه زي كده كانت محتاجه إطفاء من الداخل أو من أعلي عن طريق سلالم عربات الإطفاء , و زي ما قال خبير الأزمات في آخر الحلقه , إن أهم حاجه الربع ساعه الأولي.
تهـــــــــــريج , بلد مافيهاش أدني معدلات الأمان

شاهد حريق مجلس الشوري المصري

شاهد حريق مجلس الشوري المصري 2